Image Heritage

எங்க வூட்டுப் பொங்கல்...!

2012-01-17T11:18:00.000-08:00

பொங்கல் 2012

அட...அதுக்குள்ள ஒரு வருடமாகி விட்டது ..
( டிசம்பர் 20 லிருந்தே வீட்டைப் புரட்டிப்பூடும் வேலைகள் தொடங்கிவிடும் ...கிறிஸ்துமஸ் ( 7அடி உயர மரம் நடுக்கூடத்துக்கு வந்துவிடும்) , புத்தாண்டுக் கொண்டாட்டங்க்கள் , பொங்கல்திருவிழா என............)

கோலத்துடன் துவங்கும் நாள்:(12மணிக்கு ஆரம்பித்து ....3 மணிக்கு முடித்தது ...)

ஆரம்பம் ... ஆற்றுமணல் பரப்பி, பொங்கக்கட்டி வைத்து, மேலே பொங்கப்பானை ஏற்றி முடிக்க ஒரு அரைமணி நேரம் ஆக்கிவிட்டார்கள் ... 'சும்மா தூக்கி வைக்கிறதை ஏன் இவ்ளோ பெரிய வேலைமாதிரி செய்றாங்க ??? " அதிகாலையிலேயே நம் பொறுமைக்கு சோதனை...ஆனால் இதன் ரகசியம் அப்புறமாத்தான் தெரிஞ்சது.

கற்பூரம் வைத்து பற்ற வைத்தாகிவிட்டது.

பனையோலை மூலம் இனிய தொடக்கம்.

பொங்கல்

பனங்கிழங்கு ...காய்கறிகளின் ஒரு பகுதி .

பனங்கிழங்கு : (மேக் அப் இல்லாமல்)

பருத்திமார், பனையோலை,பொங்கக் கட்டி அடுப்பு ..

காய்கறிகள் ...தயாராகிக் கொண்டிருக்கிறது (உபயம் .. நான் )

பொங்கக் குழம்பு.......

ஒரு சிறுகுறிப்பு : இந்தக் குழம்பின் சுவைக்காக இன்னும் ஒருவருடம் காத்திருக்க வேண்டும் .. இடையில் எவ்ளோதான் ஆசைப்பட்டு அப்படியே தலைகீழே நின்னாலும் ’அந்த ‘ சுவைபோல அமையவே அமையாது . அளவு , அடுப்பு , பாத்திரங்கள்(குக்கர்) எல்லாம் மாறுவதால் இருக்கலாம்.... ( ஒருவேளை பொங்கலுக்கான காய்கறிகள் வாங்குவதிலிருந்து , வெட்டிக் கொடுப்பது வரையிலும் ‘ நான்’ செய்வதால் அந்த சுவை அமைந்திருக்க வாய்ப்புண்டு என்பதை தன்னடக்கத்துடன் இங்கே சொல்லாமலேயே விட்டுவிடுகிறேன் )
150 லிட்ட கொள்ளளவு உருளியில் ...தொடர்ந்து பனையோலை அடுப்பில்...(புகையால் பக்கத்திலிருந்து எதிர்ப்பெல்லாம் வரும் ) சூடாகிக் கொண்டே இருக்கும் . தெரிஞ்ச இடத்துக்கெல்லாம் ஆர்டரின் பேரில் பார்சல் சர்வீஸ் நடந்துக்கிட்டே இருக்கும்.
இரண்டாம் நாளில் காய்கறிகள் எல்லாம் சேர்ந்து உருகி ஒரு அமுதமாகிவிடும் :)

படங்களும் விளக்கமும்: துரை.ந.உ

காளையார் கோயில் - மருது சகோதரர்கள்

2011-11-06T03:16:00.000-08:00

வணக்கம்.

கடந்த 30/10/2011 அன்று காளையார் கோயில் சென்று வழிபாடும் பேறு கிடைக்கப் பெற்றேன். அன்று மாமன்னர் மருது சகோதரர்களை வணங்கிய போது ஐயா ‘இ‘னா அவர்களும் ஐயா செல்வன் அவர்களும் எனது நினைவிற்கு வந்தனர். அவர்களுக்காகவும் அந்தக் காளீசுவரிடமும் மன்னர்களிடமும் வேண்டிக் கொண்டேன்.

கானப்பேர் எயில் என்ற காளையார் கோயில், மருது சகோதர்களால் கட்டி முடிக்கப் பெற்ற 9 நிலை பெரிய கோபுரம், மற்றும் வரகுண பாண்டியனால் கட்டப்பெற்ற 5 நிலை கோபுரம்.

மன்னர் முத்துவடுகநாத பெரிய உடையாத் தேவர்

(வழிபாட்டிற்கு உரிய மன்னரது சிலையைச் சுற்றிலும் குப்பை போடப்பட்டிருப்பதும், அவரது பெருமைகளை அம் மண்ணின் மைந்தர்கள் அவ்வளவாக உணராமல் இருப்பதும் மனதிற்கு வருத்தமாக இருக்கிறது)

மகா சிவபக்தனாகத் திகழ்ந்த சிவகங்கைசீமையின்இரண்டாவது மன்னர் மாவீர முத்துவடுகநாத பெரிய உடையாத் தேவர். இவர் 1750 முதல் 1772 வரை இருபத்திரெண்டு ஆண்டுகள் ஆட்சி புரிந்தார். இந்திய மண்ணில் இவரே வெள்ளையர்களை எதிர்த்து முதல் சுதந்திர முழக்கம் செய்தவர். காளையார் கோயில் கடும் போரில் வெள்ளையர்கள் மறைந்து நின்று கை எறி குண்டுகளை வீசியபோது 25/6/1772 இல் வீரமரணம் அடைந்தார்.

இவருடன் போரில் காளையார் கோயிலைச் சேர்ந்த இவரது இரண்டாவது மனைவி கன்னிராணி கௌரி நாச்சியாரும் உயிர் துறந்தார். இவரது அமைச்சர் தளவாய் தளவாய்தாண்டவராய பிள்ளை. தளபதிகள் மாவீரர்களான மருது பாண்டியசகோதரர்கள்.

பெரிய மருது

சின்ன மருது

- முனைவர் காளைராசன்

ஜவ்வாது மலை குள்ளர் குகைகள்

2011-09-05T14:55:00.000-07:00

மேல்பட்டு - ஆசியாவின் பெரிய அடித்தண்டு கொண்ட நீர் மரம்

ஆயிரம் ஆண்டுகள் பழமையான இந்த நீர் மரத்தின் அடிதண்டை கட்டிப்பிடிக்க 20 மாணவர்கள் கை கோர்க்க வேண்டும். இந்த மரம் உள்ள இடம் ஜவ்வாது மலையில் உள்ள மேல்பட்டு கிராமம். இதன் இயற்கை வளமிக்க அழகான கிராமம். திருவண்ணாமலை - போளூர் வழியாகவும், வேலூரிலிருந்து அமிர்தி வழியாகவும், திருப்பத்தூரிலிருந்து ஆலங்காயம் வழியாகவும், செங்கத்திலிருந்தும், பல கொண்டையூசி ( ஹேர் பின் ) வளைவுகள் உள்ள மலை பாதைகள் வழியாக ஜவ்வாது மலைக்கு செல்ல வேண்டும்.

இதில் ஜவ்வாது மலையிலிருந்து செங்கம் வழியாக இறங்கும் போது மேல்பட்டு கிராமத்தை கடக்க வேண்டும். மலை நீரோடைகள் நிறைந்த பசுமையான கிராமம். இங்கு சுமார் 140 வருடங்களுக்கு முன் பிரிடிஷ்காரர்கள் கட்டியுள்ள அருமையான தங்குமிடம் உள்ளது. எந்த பாதை வசதியும் இல்லாத காலத்தில் குதிரை, கழுதை ஆகியவற்றின் மீது பொருட்களை கொண்டு வந்து கட்டியுள்ளனர்.

மேல்பட்டு கிராமம் குறித்து இன்னொரு முக்கிய குறிப்பு, சங்க இலக்கியத்தில் இந்த பகுதி நன்னன் சேய் நன்னன் என்பவன் கட்டுப்பாட்டில் இருந்ததாகவும், இவனுடைய தந்தை நன்னன் பர்வதமலை என்ற இடத்தில் ( செங்கம் அருகே உள்ள இன்னொரு பழமை சிறப்பு மிக்க மலை. சுமார் 4 ஆயிரம் அடிகள் உயரம் கொண்ட அந்த மலை இப்போது ஆன்மீக தளமாக புகழ்பெற்றுள்ளது ) இருந்து ஆட்சி செய்து, பிறகு அதியர்களால் விரட்டியடிக்கப்பட்டபோது, போரில் உயிர் தப்பி வந்து ஜவ்வாது மலையின் இந்த பகுதியில் ஆட்சி செய்தவன். இவனிடம் பரிசில் பெற வந்த புலவர் ஒருவர் குறிப்பிட்டுள்ள வழித்தடங்கள், அடையாளங்கள் இப்போதும் அப்படியே உள்ளன. அதில் ஒரு பாடல் வருடம் முழுவதும் சாரல் மழை பெய்து கொண்டுள்ள மலை நிலத்தை கடந்து நன்னன் சேய் நன்னன் உள்ளதாக குறிப்பிடும்.

செங்கத்தில் இருந்து பரமானந்தல் என்ற கிராமத்தை கடந்து சுமார் 25 கிலோ மீட்டர்கள் வளைவுகள் நிறைந்த மலை பாதை வழியே பயணித்து மேல்பட்டு கிராமத்துக்கு செல்லும் முன் இந்த நீர் மரம் அருகே சற்று இளைப்பாற உட்கார்ந்தால் இன்றும் மணிக்கு ஒரு முறை உங்களை தழுவி தாலாட்டும் சாரல் மழை.

வாலியம் பாறை - குள்ளர் குகைகள்

அப்பகுதியை சேர்ந்த மலைவாசி மக்கள் செவி வழி செய்தியாக சொல்வது, வாலியம்பாறையில் வசித்த வாலியர்கள் என்ற கூட்டம் கட்டிய குள்ளர் குகைகள் அவை என்றும், 3 அடி உயரம் கொண்ட வாலியர்கள் பிறகு வடக்கே எங்கோ சென்று விட்டதாகவும் சொல்கிறார்கள். ஏராளமான சிறு பாறைகளை ஒன்றன் மீது ஒன்றாக அடுக்கி வைத்து மேலே அகலமான ஒரு பெரிய பாறையை கூரையாக வைத்து குகை போல அமைத்துள்ளனர்.

போளுரிலிருந்து சுமார் 35 கிலோ மீட்டர் மலை பாதையில் பயணித்தால் அத்தியூரை அடையலாம். அங்கிருந்து கால்நடையாக காட்டுப்பாதையில் 3 கிலோமீட்டர் சென்றால் மேல்சிப்பிலி என்ற மலை கிராமம் வரும். உண்மையான காட்டுவாசி, மலை வாழ் மக்கள் வசிக்கும் பகுதி இது. யார் சென்றாலும் உடனே இளநீரை வழங்கி இளைப்பாற சொல்லிவிட்டு, சாமை அரிசி சோறு பொங்கி, பலாபழம், வள்ளி கிழங்கு, சிறு சிறு மலை வாழை பழங்களுடன் விருந்து சாப்பிட வைப்பார்கள். சராசரியாக 4 .5 அடி உயரம், கருத்த, உறுதியான தேகம், சுருண்ட, நீண்ட முடி, எச்சரிக்கை கலந்த அன்பு என உணர்ச்சி கலவையான மக்கள். காலை 6 மணி தொடங்கி மதியம் 12 மணி வரை கடுமையான மலை நிலத்தில் உழுதுவிட்டு, விலை பொருட்களில் அன்றைய தேவைக்கு ஏற்ப கொண்டு சென்று வார சந்தைகளில் விற்றுவிட்டு தங்களுக்கு தேவையானதை வாங்கிக்கொண்டு, கரடு, முரடான மலை பாதைகளில் மேலும் கீழுமாக சாதரணமாக 50 கிலோ மீட்டர் நடந்து விட்டு வந்து, மூச்சு கூட வாங்காமல் கிராமத்துக்கு புதிதாக வந்துள்ள வெளியாட்களிடம், வாலியர் குகைய பாக்கனும்னா, அங்கன நெட்டு குத்தா நிக்குதே ரெண்டு மலை அத ஏறி எறங்கணும், நாங்க வேனா துணைக்கு வரவா என அசராமல் கேட்கும் ஒரு நபருக்கு வயது கேட்டால் 85 என சொல்லி சிரிப்பார்.

மலை கிராம குடிசைகள் நிறைந்த எல்லாத் தெருவிலும், எல்லாருக்கும் பொதுவான ஒரு தானிய கூடு 30 அடி உயர்த்தி நிற்கும். குடிசைகளுக்குள் வீட்டுக்கு தேவையான அளவு சிறிய தானிய கூடு தனியாக இருக்கும். ஆடு, மாடுகளை போது பட்டியில் கட்டியிருப்பார்கள். கோழி, பன்றிகளை வீட்டுக்குள் விட்டு வைப்பார்கள். ஒவ்வொரு வீட்டிலும் 3 முதல் 4 அடி உயர நாய்கள் துணையாக இருக்கும். இவர்கள் துணை இல்லாமல் குகை தேடி பயணித்தால் வீடு திரும்புவது அசாத்தியம். அவ்வளவு திருப்பங்களும், பள்ளத்தாக்குகளும், காட்டு விலங்குகளும் நிறைந்த அடர்ந்த காட்டுப்பாதை. கையில் நீண்ட கழிகளை ஊன்றுகோலாக எடுத்துக்கொண்டு, ( மனிதன் ரெண்டு கால்களில் நடக்கிறான் என யாரோ தவறாக பெருமைக்கு சொல்லிவிட்டு போய்விட்டார்கள் ) நடக்க தொடங்கினால் குறைந்தது இரு இடங்களிலாவது கால் இடறி கீழே விழுந்து, சிரைப்புகளை பெற்ற பிறகு கண்ணுக்கு எட்டியவரை தெரிவது ஒற்றை பாறை. சுமார் இரண்டு அல்லது மூன்று கிலோமீட்டர் நீள, அகலத்துக்கு குறையாமல் நிற்கும் உயர்ந்த ஒற்றை பாறை. ( இன்னும் மலை முழுங்கி மகாதேவங்களிடம் இருந்து இந்த பாறை தப்பித்திருக்க காரணம் பாதை வசதி இல்லாததுதான் )
அதன் மீது ஏறி சென்றால் கண்களால் பார்த்து நம்ப முடியாத குள்ளர் குகைகள் கொத்து கொத்தாக காட்சியளிக்கும்.

என்னுடைய கணிப்பு என்னவெனில், குகை அமைப்புகள் நிறைந்துள்ள அந்த பகுதி உள்ள வாலியம்பாறை, குகைகள், சுற்றியுள்ள பெரும் பள்ளத்தாக்குகள், எளிதில் யாரும் சென்று விட முடியாத பாதையற்ற நிலை, பாதுகாப்பு மிக்க சூழல் ஆகியவற்றை வைத்து பார்க்கும்போது, அந்த பகுதியின் பாதுகாப்புக்காக இருந்த வீரர்கள் தங்கிய குகைகளாக இருந்திருக்கக்கூடும். வாளியம்பாரையில் உள்ள உயர்ந்த முகட்டில் நின்று பார்த்தால் கிட்டத்தட்ட, பீமன் நீர்வீழ்ச்சி, பரமனந்தல் காடுகள், போளூர் சாலை என பல பகுதிகளை இங்கிருந்தே கண்காணிக்க முடியும். குரங்குகளை தவிர மற்ற விலங்குகள் வாலியம்பாறை மீது எளிதில் வந்துவிட முடியாது. அப்படி ஒரு அமைப்பு. அவசரத்துக்கு குகைக்குள் மூன்று பேர், மூன்று பேராக உட்கார்ர்ந்து கொள்ளமுடியும். மழை பெய்தாலும் தண்ணீர் உள்ளே வந்து தங்க முடியாதது போல பாறை முகடுகளின் மீது இவை உள்ளன. கிட்டத்தட்ட இதுபோல 200 குகைகள் உள்ளன. எனில் சுமார் 600 பேர் கொண்ட படை வீரர்கள் தங்கி இருந்து பாதுகாப்பு பணியில் ஈடுபட்டிருக்கலாம். தங்கள் ஆயுதங்களை வைக்க குகைகளை பயன்படுத்தி இருக்கலாம். குகைகளின் அருகே இன்றும் கிடைக்கும் கல் ஆயுதங்களும் இதற்கு சாட்சியாக உள்ளன.

இதை தவிர வேறு வகையில் யோசித்தால், பொதுவாக நம் கிராமங்களில் இன்றும் காணக்கூடிய ஒரு காட்சி, வீட்டு உபயோக பொருட்கள் வீட்டுக்குள் பத்திரமாக இருக்க, குழந்தை குட்டியோடு வீட்டு உரிமையாளர்கள் வெளியே படுத்து உறங்குவார்கள். இன்னும் எளிதில் விளங்க வேண்டுமானால், குருவிகாரர்கள் எனப்படும் நாடோடி இனத்தவர்கள் ஆங்காங்கே ஊருக்கு வெளியே கூடாரங்கள் அமைத்து தங்கியிருக்கும் போது, துணிமணிகள், உணவு பொருட்கள், பாத்திரங்கள் எல்லாம் கூடாரத்துக்குள் இருக்கும். ஆனால் இவர்கள் மட்டும் வெட்டவெளியில் படுத்து உறங்குவார்கள். இளம் தம்பதியர் மட்டுமே கூடாரங்களில் உறங்குவார்கள். தவிர நோய்வாய் பட்ட குழந்தைகளும் கூடாரத்துக்குள் இருக்கும். கல் ஆயுதங்களை பயன்படுத்தி இருக்கும் வாலியர் கூட்டமும் தங்கள் பொருட்களை இந்த சிறு சிறு குகை அமைப்புகளில் பத்திரப்படுத்தி வைத்து விட்டு வெட்ட வெளியில் வாழ்ந்திருக்கலாம். மழை காலங்களில் மட்டும் உள்ளே புழங்கியும், இளம் தம்பதியர் தனித்திருக்கவும், உணவு, உடை, ஆயுதங்களை வைக்கவும் குகைகள் உருவாக்கப்பட்டு இருக்கலாம்.

எடதனூர் - வாலியர் வீடு

படங்களும் தகவல்களும்: ப்ரகாஷ் சுகுமாரன்

தென்பெண்ணை ஆற்றங்கரையோர நடுகல் கோயில்கள்

2011-08-05T09:01:00.001-07:00

தினமும் செல்லும் வழிதான் என்றாலும் புதியதாக வாங்கிய கேமிராவில் இயற்கை காட்சிகளையும் மற்றவற்றையும் படமெடுக்கலாம் என்று தென்பெண்ணை ஆற்றங்கரையோரமாக சென்றபோது மாட்டியது இந்த நடுகல்.

ஆற்றங்கரையோரமுள்ள கோயில்:

நடுகல் கோயில்

-M.S.Murali (B+ve)
99430-94945

பெண்ணை ஆற்றங்கரை நடுகல் கோயில்கள்

2011-07-31T09:39:00.000-07:00

இந்த நடுகற்களில் பெரும்பாலானவற்றில் உள்ள எழுத்துக்கள் இன்னும் முழுமையாக படிக்கப்படவில்லை. அவற்றின் காலங்களை கணிப்பதிலும் பல முரண்பாடுகள்.

களிமண்ணால் செய்யப்பட்ட உருவங்கள் தொண்டமாநூர் காணித்தா கோயில் அருகே கிடைத்தன. இவற்றின் உடல் பகுதிகள் சிதைந்து குப்பைகள் போல உள்ளது. கிடைத்த தலைகளை கவனிக்கும் போது ஒவோவ்வொரு முக அமைப்பும் வேறுபடுகிறது. கூறிய மூக்கு, நீண்ட மூக்கு, தட்டையான மூக்கு, குண்டு மூக்கு என வித்தியாசங்கள் தெரிகின்றன. காதுகளின் அமைப்பிலும், அணிகலன்களிலும் பல வித்தியாசங்கள். தலை பாகை வைத்தும், மொட்டையாகவும், ஜடா முடியுடனும், கூந்தலுடனும் உள்ளன. சில ஐரோப்பிய, சீன முக அமைப்பு கொண்டதாகவும் தெரிகிறது.

இது பல்வேறு மதங்களை சேர்ந்தவர்கள் இங்கு வந்து தங்கி, ஆன்ம விவாதங்களை செய்துள்ளதை தெரிவிப்பதாக உள்ளது. அதை உறுதி செய்யும் வகையில் ஒரு சிறு குன்றின் அடிவாரத்தில் பெண்ணையாற்றின் கரையில் அமைந்துள்ள இந்த நடுகல் கோவில் அருகிலேயே கற்படுக்கைகளுடன் மூன்று அறைகள் கொண்ட குகை பாறையில் குடையப்பட்டு உள்ளது. ஆற்றங்கரையில் பல இடங்களில் சிறு சிறு கோவில்கள் மற்றும் குகைகள் காணப்படுகின்றன.

நடுகற்களில் படைக்கப்பட்டுள்ள உருவங்கள் நீண்ட தலை முடியுடன் உள்ளன. சிலவற்றில் தலைபாகை காணப்படுகின்றது. பெரும்பாலும் கூறியதாக உள்ள மூக்கின் அமைப்பில் சிலவற்றில் மட்டும் மாற்றம் தெரிகிறது. வீரர்களின் தலைக்கு மேல் செய்யப்பட்டுள்ள அலங்காரங்களை கொண்டு அவனது செல்வதை அறியமுடியும். பெரும்பாலும் ஒரு கையில் வில்லுடன், மறுகையில் குருவாளுடனும் வேட்டைக்கு தயாரான நிலையில் உள்ளன. ஒட்டிய வயிறும், திண்மையான புஜமும் அவர்கள் இளமையானவர்கள் என்பதை தெரிவிக்கின்றன.

இது குறித்து நந்தி மலை முதல் கடலூர் வரை பெண்ணை ஆற்றின் இரு கரைகளில் உள்ள கிராமங்களில் உள்ள கோயில்கள், நடுகற்கள், மக்களின் சாதி அமைப்புகள், சமய சடங்குகள் ஆகியவற்றை கடந்த 14 வருடங்களாக பதிவு செய்து வரும் பழனிவேள் என்ற ஆய்வாளர்,
சண்டைகள் அல்லது வேட்டைகளின் பொது இறந்தவர்களுக்கே நடுகற்கள் வைத்து வணங்கும் வழக்கம் உள்ளதாகவும். அது ஒரு தனி நபருக்கான நடுகல் என்பதை விட ஒரு தலைகட்டை சேர்ந்த தலைவனுடன் இறந்த பல வீரர்களுக்கான நடுகல் என்கிறார். மேலும் இந்த வீரர்கள் எல்லாம் 26 வயதுக்கு உட்பட்டவர்கள் என்றும் அதற்க்கு மேல் அவர்கள் வாத்தியாராக ( மற்ற இல வயதினருக்கு வேட்டை உள்ளிட்ட வாழ்வியல் தேவைகளை சொல்லி கொடுப்பவராக ) மாறி ஆற்றின் கீழ் கரைக்கு சென்று விடுவார்கள் தெரிவிக்கின்றார்.

தவிர நடுகற்கள் வைக்கப்பட்டுள்ள இடங்கள் எல்லாம் போர்கள் நடந்ததற்கான அடையாளம் என்பதை விட, ஆநிரை கவர்தல் அல்லது மீட்டல், பெண்களை கவர்தல் அல்லது மீட்டல் போன்ற உள்ளூர் மக்களின் தேவைகளுக்காக நடந்த சண்டைகளில் இறந்தவர்களுக்கு வைக்கப்பட்டவை. காதலுக்காக உயிர் நீத்தவர்களும், வேட்டையின் போது உயிரை விட்டவர்களும் கூட இதில் அடக்கம், என்கிறார்.

தமிழகத்தை சேர, சோழ, பாண்டிய, பல்லவர்கள் என பல குலத்தினர் ஆண்டு வந்தாலும் சமூக கட்டமைப்பு கீழிருந்து மேலாக பரவி சீரானதாக இருந்தது என்பது மறுக்க முடியாத உண்மை என்பதை இந்த நடுகற்கள் தெரிவிக்கின்றன. எங்கேயோ மதுரையிலும், காஞ்சியிலும் இருந்து கொண்டு நாட்டை ஆண்ட மன்னர்களுக்கும், இங்கே ஆடு, மாடுகளுக்காகவும், பெண்களுக்காகவும் நடைபெறும் சண்டைகளுக்கும் அதிக நெருக்கம் இருந்திருக்க முடியாது. எனவே கேட்பாரற்று காடுகளிலும், மலைகளிலும், ஆறுகளிலும் கிடக்கும் நடுகற்களை ஆராய்ந்தால் மறைந்து கிடக்கும் பல வரலாறுகளை வாசிக்க முடியும்.

தவிர ஆங்காங்கே கிடைக்கும் இது போன்ற பதிவுகளை வரலாற்று சின்னங்களாக கருதி, அவற்றில் இருக்கும் செய்திகளை தனி தனியாக பதிவு செய்வதை விட, அவை கிடைக்கும் பகுதிகளில் வாழும் மக்களின் கலாசாரத்தையும், சடங்குகளையும், வாழ்வியல தேவைகளையும், வாய்ப்புகளையும் இணைத்து படித்தால் உயிரோட்டமாக இன்றும் வாழ்ந்து கொண்டு இருக்கும் உண்மையான தமிழர் வரலாற்றை மீட்டெடுக்க முடியும் என்பது என் கருத்து.

நடுகற்கள் குறித்து நீண்ட ஆய்வு மேற்கொண்டுள்ள பேராசிரியர் நெடுஞ்செழியன், தமிழகம் மட்டுமல்ல உலகம் முழுவதும் பரவியுள்ள தமிழர்களில் எங்காவது, யாராவது வேடியப்பன், வேடிச்சி என்ற பெயரை கொண்டிருந்தாலோ அல்லது அந்த பெயரில் வியாபார நிறுவனங்களை நடத்தி வந்தாலோ, வேடியப்பன் சாமியை குல தெய்வமாக கொண்டிருந்தாலோ, அவரிடம் தைரியமாக உங்கள் பூர்வீகம் திருவண்ணாமலையா என கேட்கலாம். நிச்சயம் ஆம் என்ற பதிலே வரும். இதையே விழுப்புரம் பகுதியில் முனியப்பன் என்றும் வேலூர் பக்கம் ஐயனார் என்றும் வழங்கப்படுவதாக தெரிவிக்கிறார்.

திருநெல்வேலி மாவட்டம், தூத்துக்குடி மாவட்டங்களில் இவை மாரியப்பன் என்ற பெயரில் வழங்குவதாகவும், கோவில் பட்டி தாலுகாவை ஒட்டியுள்ள கழுகு மலை என்ற கிராமத்தில் மொத்தமுள்ள சுமார் ஆயிரத்து ஐநூறு குடும்பங்களை சேர்ந்த அனைத்து உறுப்பினர்களுக்கும் ஆண்களாக இருந்தால் மாரியப்பன் அல்லது மாரிசாமி என்றும் பெண்களாக இருந்தால் மாரிமுத்து, மாரியாத்தா என்றும் பெயர்கள் சூட்டப்படும் வழக்கம் இன்றும் தொடர்கிறது. ஒரு குடும்பத்தை சேர்ந்த தாய், தந்தை, பிள்ளைகள் என அணிவருக்குமே மாரிமுத்து, மாரியப்பன் என பெயர் இருக்கும் விசித்திரம் இன்றும் காலா காலமாக தொடர்கிறது.

இதேபோல திருவண்ணாமலை அருகே உள்ள மஞ்சம்பூண்டி என்ற கிராமத்தில் உள்ள அனைவருமே சோலையப்பன், சோலையம்மா என்ற பெயர்களில் மட்டுமே கூப்பிடப்படுகின்றனர். அங்கு சென்று சோலை வீடு எது என கேட்டால் நம்மை விசித்திரமாக பார்கிறார்கள். எந்த வீட்டு சோலய கேக்கிறீங்க.. ஒன்ன பாத்தா படிச்சாப்புல தெரீது.. அப்ப மேலதெரு கீழூட்டு மொத மவன் சோலயா.. இல்ல மூணாந்தெரு நொண்டி சோல மவளா.. என கேட்டு தலை சுற்ற வைக்கிறார்கள்.

-ப்ரகாஷ் சுகுமாரன்

பெண்ணை ஆற்றங்கரை நடுகற்கள்

2011-07-23T00:45:00.000-07:00

தர்மபுரிஇலிருந்து கடலூர் வரை கெடிலக்கரை என இலக்கியங்களில் குறிப்பிடப்படும் பெண்ணை ஆற்றின் கரைகளில் ஏராளமான நடுகற்கள் உள்ளன. குறிப்பாக திருவண்ணாமலையில் செங்கம், தானிபாடி, தண்டராம்பட்டு, ஆகிய பகுதிகளில் மிகப்பழமை வாய்ந்த நடுகற்கள் அதிக அளவில் உள்ளன. ஆநிரை கவர்தல், மீட்டல், பெண்களை கவர்தல், மீட்டல் ஆகிய காரணங்களுக்காக நடை பெற்ற போர்களில் வீர மரணம் அடைந்தவர்களுக்கு இந்த நடுகற்கள் வைக்கப்பட்டு உள்ளன. பொதுவாக வேடியப்பன் காவு என குறிப்பிடபடும் இந்த நடுகற்கள் சிறு தெய்வமாக கொண்டாடப்படுகிறது. சில பகுதிகளில் முனீஸ்வரன், சுடலை மாடன், ஐயனார், வேடிச்சி, என வேறு பெயர்களில் அழைக்கப்படுகின்றன. தண்டராம்பட்டு அருகே எடத்தனூர் என்ற கிராமத்தில் தன் எஜமானனுடன் சேர்ந்து போரிட்டு இறந்த கொவிவன் என்ற நாய் உருவத்தையும் கருந்தேகியதி என்ற அந்த வீரனுடன் சேர்த்து உருவம் பதிக்கப்பட்ட நாடுகள் உள்ளது. இதே போல புலி குத்தி பட்டான், பன்றி குத்தி பட்டான், முயல் குத்தி பட்டான் என வேட்டையாடும்போது இறந்த வர்களுக்கும் நடுகற்கள் உள்ளன.

ஆண்கள் போரில் தோற்று இறக்கும் போது பெண்களே முன் வந்து போரிட்ட குறிப்புகளும் அப்படி இறந்தவர்களுக்கு வேடிச்சி என்ற பெயரில் நடுகற்கள் உள்ளன. அதேபோல கணவன் இறந்த பிறகு உடன் கட்டை ஏறிய மனைவிகளுக்கு வைக்கப்பட்ட நடுகற்கள் தீப்பாஞ்சாள் எனப்படுகிறது. பெண்களின் நடுகற்கள் பெண்ணை ஆற்றின் கீழ் கரையிலும், ஆண்களுக்கான நடுகற்கள் மேல் கரையிலும் உள்ளன.

Sand blasting தடை செய்யக் கூடிய காகித ஆயுதம்

2011-05-02T04:55:00.000-07:00

ஒரு பயணத்தின் முடிவில்.... ஒரு தொடக்கம் !

2011-04-13T11:39:00.000-07:00

கட்டுரையாளர்: துரை.ந.உ

தூத்துக்குடி.....

மூன்றுபக்கமும் தொழிற்சாலைகளாலும் , ஒருபக்கம் துறைமுகத்தாலும் சூழப்பட்ட தொழில் நகரம் ....’மால்கள் , காம்ப்ளக்ஸ்கள்’ என அல்ட்ராமாடர்ன் சிட்டியாக மாறிக்கொண்டிருக்கும் நகரம் ...

வெளியூர் சுற்றுப்பயணம் முடித்து காலையில்தான் வீடு வந்து சேர்ந்திருந்தேன். அம்மா ஒரு திருமண அழைப்பிதழோடு வந்தார் .

“தம்பி ..(என்னை தம்பி என்றுதான் அழைப்பார் ) ...ஒரு முக்கியமான கல்யாணம் ... போயிட்டு வந்திரலாம்” என்றார் .

எனக்கு சிறிது அசதியாக இருந்தாலும் சரி எனக் குளித்துக் கிளம்பினேன் .
காரில் ஏறும்பொழுது மெல்ல ”குலசாமி கோயில்ல கல்யாணம் .கார் கோயில் பக்கம் வரைக்கும் போக வழி கிடையாது “ என்றார் ...

”ஓ! ... நடக்கணுமா??? .. அப்போ என்னால வரமுடியாது .... நீங்க போய்ட்டுவாங்க ”என்று இறங்க ஆரம்பித்தேன் .

சட்டென என் கையைப் பிடித்து உக்கார வைத்தார்.

” கண்டிப்பா போகணும் ...அப்பா வழியில் பையன் நெருங்குன சொந்தம் ..சென்னைல இருந்து இங்கே வந்திருக்காங்க ...பொண்ணு உங்க தாத்தா வழி (அம்மா வழிச் சொந்தம் ) ...கயத்தாறில் இருந்து வந்திருக்காங்க .....இங்கே கோயில்லதான் செய்யணுமுன்னு வேண்டுதலாம்..சீக்கிரமா போய்ட்டு வந்திடலாம் “ என்றார் ....

தட்டமுடியவில்லை எனக்கு ....அரை மனதோடு கிளம்பினேன் அவர்களோடு
”அரைமணி நேரத்துக்கு மேலே இருக்க மாட்டேன் ..இப்போவே சொல்லீட்டேன்” என்ற கண்டிசனோடு.

15 நிமிடப் பயணம்தான் ..இடம் வந்துவிட்டது.

வண்டியை நிறுத்திவிட்டு இறங்கி நடக்கத் தொடங்கினோம்.. இந்த இடம் பற்றிக் கேள்விதான் பட்டிருக்கிறேன் ...நேரில் இதுவரைக்கும் வந்ததில்லை....
மாடிவீடுகளுக்கு நடுவே ....ஒரு சிறிய பாதை..முடிவில் ஒரு வாழைத் தோரணத்துடன் ஒரு சின்ன அலங்கார வளைவு வரவேற்றது ...
இருவர் மட்டுமே ஒரே நேரத்தில் நுழையுமளவுக்கு சின்ன வாயில் ......

உள்ளே நுழைந்த எனக்கு ஆரம்ப அதிர்ச்சி காத்திருந்தது ...

அட....ஊருக்கு நடுவில் இப்படி ஒரு இடமா ???? உள்ளே சிறிய பூடத்துடன் கூடிய சுடலைசாமி கோவில்...முன்னால் பரந்து விரிந்த மரங்கள் அடர்ந்த தோட்டம் போன்ற அமைப்பு ..... பக்கத்தில் இருப்பவர் பேசுவது கேட்காத அளவுக்கு பலவிதமான பறவைகளின் குரல்கள் .......

கையைப் பிடித்துக் கொண்டு ”அப்பா போலவே இருக்கியே ராசா” என கண்ணத்தைப் பிடித்து இழுத்து உச்சிமுகர்ந்து முத்தம் கொடுத்த பாட்டிகள்......
எல ...இவனப்பாருல ... டவுனுக்குள்ள இருந்துக்கிட்டு நம்மூருப் பயமாதிரியே திரியறான் ‘ ( பெரிய மீசை வைத்திருக்கிறேனாம் !!) என கையைப் பிடித்துக் கொண்டு கிண்ண்டலடிக்கும் தாத்தாக்கள் ,பெரிசுகள்......

’ஏவுலா... ஆத்தா...அப்பத்தா....பூட்டி...கொளுந்தியா....மச்சான்...’என காதைச் சுற்றிலும் உறவுமுறைகள் துள்ளிவிளையாடும் பேச்சுவார்த்தைகள் ......

என்னை அப்படியே வேரோடு புடுங்கி ...எங்கோ நாடுகடத்தி.....ஏதோ ஒரு கிராமத்துக்குள் நட்டு வைத்ததைப் போல உணர்ந்தேன்...
எனக்குள் புதைந்துகிடந்த ஏதோ ஒன்று பொங்கிப் பரவுவதையும் நன்றாகவே உணர்ந்தேன் ........

நகர வாழ்க்கையில் சுத்தம் , நாகரீகம் என்று பெயரால் அண்டை மனிதர்களிடம் இருந்து விலகியே பழக்கப் பட்டுவிட்டேன் ...இப்பொழுது இந்த பாசமான வருடல்களும் , கைப்பிடித்தல்களும் எனக்கு ஒரு புதிய உலகினைக் காட்டிக் கொண்டிருந்தது ....... நான் இது நாள் வரையில் ஒர் உன்னதமான வாழ்க்கைமுறையை மிகவும் இழந்திருக்கிறேன் என்பதும் புரிந்தது .......

மிக எளிமையாய் திறந்த வெளியில் திருமணம்... மணமக்கள் முன்னிலையிலேயே சாப்பாடு ....
சாப்பாடு முடிந்து பழைய நினைவுகளை அசைபோட்டபடியே பெரிசுகள்..எனது முன்னோர்களைப் பற்றி கதைகதையாகச் சொல்லிக் கொண்டிருக்க .......ஒரு வார்த்தை சொல்லாமால் அத்தனையையும் திறந்த வாய் மூடாமால் கேட்டுக் கொண்டிருந்தேன் ..அவர்களுக்குள் ஒன்றிப் போயிருந்தேன் ....

நான்கு மணி நேரங்கள் போனதே தெரியவில்லை ........
அம்மா மெதுவாக வந்து ‘‘ தம்பி போவோமா ? “ எனக் கேட்டார் ....

மெல்ல சிரித்து ...’’என்ன அவசரம் ...இருங்கம்மா ..போகலாம் ’‘என்றேன் .....

அனைத்து சடங்குகளும் முடிந்து , அனைவரையும் வழியணுப்பிவைத்துவிட்டுக் கிளம்பி வீடு வந்து சேரும் போது மணி மாலை 5 ....

எதையோ இழந்தது போல மனம் கனக்க வண்டியிலிருந்து இறங்கினேன் ...
குழந்தைகள் எல்லாம் வாயைப் பொத்திக்கொண்டு என்னைப் பார்த்து கிண்டலடித்து சிரித்துக் கொண்டிருக்கிறார்கள் ....

எதுவும் புரியாமல் கண் சுருக்கிஎன்ன என்பதுபோல அவர்களிப் பார்க்க

கடைக்குட்டி “அப்பா ...சட்டைல காக்கா ஆயி “ என சத்தமாகச் சொல்ல ...அதைக்கேட்ட மற்ற அனைத்தும் திசைக்கொன்றாகப் பறந்தன ...
நான் தொட்டுவிடக் கூடாதாம் ..தொட்டால் குளிக்க வேண்டுமாம் .......

மற்ற நேரமென்றால் பதறி உடனே அந்தச் சட்டையைக் கழற்றி வீசி இருப்பேன் ....
அன்றென்னவோ தெரியவில்லை.....சட்டையைக் கழட்ட எனக்கு மனமே வரவில்லை........

ஏன் எனவும் புரியவில்லை!!!!!
என்னவாயிற்று எனக்கு ?????

உங்களுக்காவது தெரியுமா ????

வரவேற்ற (மறைந்துபோன) ஒலி பெருக்கி

தெய்வமாகிப் போன மரம்

மணமக்கள் .(திறந்தவெளி மேடை )

சாப்பாட்டுப் பந்தி

எளிய உணவு

கொடுக்காப்புளி ( நான் நிறைய பொறுக்கி சாப்பிட்டேன் :))

100 ஆண்டுகள் கடந்த நுரைக்கல் கிணறு

கிண்டல் பேச்சுகள்

மணமக்கள்

தலைமுறை

திருவண்ணாமலை அழகு!

2011-03-22T01:38:00.000-07:00

Photo: Mr. Hari Krishnan, Bangalore

சிலை வழிபாடுகளில் முன்னோடி!

2011-03-12T11:03:00.000-08:00

சப்த மாதர்கள், நரசிம்மர், விநாயகர், ஜேஷ்டாதேவி என்று எல்லாரும் இதில் வருகிறர்களா? இந்த புடைப்புச் சிற்ப பாணியே, முதன் முதலில் இந்து கடவுளர்களின் வழிபாட்டுச் சிலைகளுக்கு முன்னோடி!

இவ்வாறு உள்ள ஒரே கல்லிலான புடைப்பு சிற்பங்கள் காண்பது அரிது.

பேரைச் சொன்னாலும் ஊரைச் சொல்லாதே என்பார்கள். என்ன செய்வது காலத்தின் கோலம் அது! தெரிந்தால், கோயிலை உடைத்து திருடிக் கொண்டோடிவிடுவார்கள் கயவர்கள். எனவே படத்தைப் பார்த்து ரசியுங்கள் :)

சந்திரா

இலக்கிய சிந்தனை (சென்னை) நினைவுகள்

2011-02-12T02:17:00.000-08:00

மேலும் வாசிக்க மின்தமிழ் செல்க!

களக்காடு சத்யவாகீஸ்வரர் கோவில்

2010-04-20T20:04:00.000-07:00

களக்காடு சத்யவாகீஸ்வரர் கோவில் கோபுரத்துள் புராதனமான ஓவியங்கள் மற்றும் அழகான மர சிற்பங்களும் (காண்க மேலுள்ள படம்) உள்ளன என்பதை எங்கள் ரீச் ப்ஃவுண்டேஷன் சென்று, கோவில் புனரமைப்புப் பணிகளை செய்யும் போது கண்டெடுத்து ஹிந்து பத்திரிகையிலும், மேலும் பல அரசு நிறுவனங்கள் (இந்து அற நிலையத் துறை, சுற்றுலா துறை) ஆகியோருக்கும் தெரிவித்தோம்.

இவற்றை பாதுகாக்க எந்த விதமான நடவடிக்கையும் அரசு சார்பாக எடுக்கவில்லை. கொடுமை என்னவென்றால் புகைப்படங்களில் காண்பது போல் கீரைக் கடைக்கு எதிர் கடை என்று ஜெயலலிதா அவர்களின் கல்வெட்டின் எதிரேயே கலைஞரின் கல்வெட்டு பதிக்கப்பட்டு , அதுவும் கலைஞரே அரசர் ரேஞ்சுக்கு ஏதோ கோவிலையே எழுப்புவது போல் துதிபாடிகள் கல்வெட்டு பதித்தது நம் இறையாண்மையை கேலிக்கூத்தாக்கிவிடுகிறது.

கோவில் புனரமைப்பும் பணப் பற்றாக்குறையினால் மெதுவாகவே நடைபெற்று வருகிறது.

அரசியலைப் புறந்தள்ளிவிட்டு, மற்ற புகைப்படங்களைப் பார்ப்போம்.

சந்திரா

கைலாசநாதர் ஆலயம் காஞ்சிபுரம் மேலும்பல புகைப்படங்கள்

2010-02-27T22:18:00.000-08:00

கணேசர் ஐயப்பனோடு, ஜெஷ்டா தேவி, தக்ஷிணாமூர்த்தியின் சிரிப்பு, மற்றும் வெளிப்ரகாரத்திலுள்ள 1500 வருடங்களுக்கு முந்திய ஓவியங்களின் எச்சங்கள் ஆகியவற்றைக் காண இங்கே சொடுக்கவும்

சந்திரா

Ganesha with Ayyappa, the smile worth thousand grains of Dakshinamurthy, Jesta Devi, and the remnants of the intricate paintings of the Pallava era sunk inside the right angled 'koodus' of the outer periphery (prahara) of the Kailasanathar temple at Kanchipuram is worth a watch of lifetime. See here

Chandra

Srivilliputhur

2010-02-24T04:47:00.001-08:00

Srivilliputhur

2010-02-24T04:44:00.000-08:00

Srivilliputhur

2010-02-24T04:34:00.000-08:00

Sriranga Vimanam

2010-02-23T20:40:00.000-08:00

The Vimana is verily the external Paramapada itself. The Vimana is in the form of the Pranava (the life sustaining mantra). The four towers are marvelously akin to the four Vedas and the Lord, Sri Rangasayee is expounding the import of the Pranava.

Srirangam, the premier Vaishnava temple in South India is the first and foremost among the 108 Vaishnava divyadesas. All the Alvars have sung in praise of the deity enshrined in the huge temple in the center of the town. The Sri Vaishnava Acharyas from Nathamuni are found to have taken an active and abiding interest in the management of the temple.

Reference: A Brief History of the Srirangam Temple

காஞ்சி கைலாயநாதர் கோயில் சிற்பப் படங்கள்

2010-02-23T02:27:00.000-08:00

காஞ்சி கைலாய நாதர் படங்கள்

2010-02-23T02:20:00.000-08:00

அமாவாசையில் உதித்த நிலா!

2010-01-18T22:38:00.001-08:00

சமீபத்தில் நிகழ்ந்த சூரிய கிரகணத்தை இந்தியாவின் தென்கோடியிலிருந்து காட்சிப்படுத்தியிருக்கிறார், மின்தமிழ் அன்பர் எஸ்.பார்த்தசாரதி.

சூரிய கிரகணம் (2)

2010-01-18T22:36:00.001-08:00

சூரிய கிரகணம் (3)

2010-01-18T22:34:00.000-08:00

சூரிய கிரகணம் (4)

2010-01-18T22:27:00.000-08:00

Gold Coins

2009-12-15T05:04:00.000-08:00

A) Star Pagoda

B) Gold Pagoda

C) Gold Pagoda Early issue 1678-1740

D) Mohur 1819

E) ½ Mohur, ND (1819), 5 Rupees, ND (1820) and ¼ Ashrafi, ND (1819)

F) Double Pagoda, ND (AD 1809-1815) : 18 Stars type

G) Arcot Gold Mohur

H) Star Pagoda

I) 5 Rupees, Gold, ND (AD 1820)

.

J) 3 Swami Pagoda

தீர்த்தங்கரர் சிற்பங்கள்

2009-12-12T21:51:00.000-08:00

திருநாதன் குன்றிலுள்ள 24 தீர்த்தங்கரர் சிற்பங்கள்.செஞ்சி- சிங்கவரம் சாலையில் உள்ளது.இந்தக் குன்றில்தான் தமிழியிலிருந்து வட்டெழுத்து தோன்றும் வளர்ச்சியைச் சுட்டும் முக்கிய கல்வெட்டு(4-5 ஆம் நூற்றாண்டு) உள்ளது.ஐகாரம் இடம் பெறுவதும், மெய்யெழுத்துகள் புள்ளிபெறுவதும் இக் கல்வெட்டில்தான்.

படம்: முனைவர் டேவிட் பிரபாகர், சென்னைக் கிறிஸ்தவக் கல்லூரி

Tamil in Digital Media: Know more about us!

பனைமலை பல்லவர் கால ஓவியம்

2009-12-12T21:46:00.000-08:00

செஞ்சி- விழுப்புரம் சாலையில் இருந்து பிரிந்து அனந்தபுரம் சென்று பனைமலை செல்ல வேண்டும்.அங்குள்ள பாதுகாப்பற்ற ஓவியம் இது. இதன் அழகைக் கண் கொட்டாமல் பார்க்கலாம்.மாமல்லை கடற்கரை கோவிலை கட்டிய அதே மன்னன் கட்டிய கோவில் இது . விமானத்தைப் பார்த்தால் இதற்கு விளக்கம் தேவைப்படாது. இங்கு உள்ள சிம்ம வாகினி புடைச்சிற்பம் அழகியது. ராகுகாலத்தில் போனால் பார்கலாம்.

தமிழ் மரபைக் காக்க நான் என்ன செய்யமுடியும்?: உங்கள் பங்களிப்பிற்கு

செத்தவரை பாறை ஓவியம்

2009-12-12T21:45:00.000-08:00

செத்தவரை பாறை ஓவியம். விழுப்புரம்- திருவண்ணாமலை சாலையில் வேட்டவலத்திலிருந்து திரும்பி செத்தவரை செல்ல வேண்டும்.உயரமான மலையில் ஏற வேண்டும். கீழ்வாலை ஓவியங்கள் காவி வண்ணத்தில் உயரமற்ற பாறைகளில்.இது வெண்ணிறம்.மானைப் பாருங்கள் :பிற உருவங்களும் உண்டு.

படம்: முனைவர் டேவிட் பிரபாகர், சென்னைக் கிறிஸ்தவக் கல்லூரி

தமிழ் மரபின் ஆகப்பழமையான ஓவிய வடிவங்களைக்காண: முதுசொம் காலரி

ஜம்பைக் கல்வெட்டு

2009-12-12T21:44:00.000-08:00

புகழ் பெற்ற ஜம்பைக் கல்வெட்டு.திருக்கோவிலூர்(திருவண்ணாமலையிலிருந்து போகலாம்).தென் பெண்ணைக் கரையில் உள்ள ஊர்.ஏரியில் தண்ணீர் இருந்தால் கரை மீது நடந்து சுற்றி வரவேண்டும்.படத்தில் எங்கள் கல்லூரி மாணவர்கள் -ஆசிரியர்கள்.

ஸத்புதோ எனத் தொடங்கும் ஒரு வரி பிராமி கல்வெட்டு பின்னால் தெரிகிறது.அசோகனது கல்வெட்டில்'சத்யபுத்ர ' எனக்குறிக்கப்படும் மன்னர் அதியமான்களாக இருக்கலாம் என்று வரலாற்று அறிஞர்கள் உணர்ந்திருந்தனர். இக் கல்வெட்டு அதனை மெய்ப்பித்துவிட்டது.

சத்யபுத்ர =அதியமான் எப்படி?
சத்ய - அத்ய (மொழி முதல் சகரம் கெடல், எ-கா: சமணர்-அமணர்.சுப்பு -உப்பு, சிறகு-இறகு)புத்ர - மகன்மகன் - மான் (இடையிலே நின்ற ககரம் கெட்டு உயிர் நீண்டது. (எ-கா: பகுதி=பாதி, மிகுதி =மீதி, பகல் =பால்)

படம்: முனைவர் டேவிட் பிரபாகர், சென்னை கிறிஸ்தவக் கல்லூரி.

தமிழ் எழுத்து வளர்ச்சி, பரிணாமம் குறித்து மேலுமறிய: தமிழ் மரபு அறக்கட்டளை

சிந்திக்கச் சில சிற்பங்கள் -2

2009-09-04T11:57:00.000-07:00

மாயச் சிற்பங்கள் - 2

இடம்: திரு அடிகை வாயில் மண்டபம்

யாரிந்த அம்மையார்?

சிந்திக்கச் சில சிற்பங்கள் -1

2009-09-04T11:47:00.000-07:00

மாயச் சிற்பங்கள் - 1

இடம்: திரு அடிகை

இருதலை கொண்ட இந்த ஜந்து(??) சிற்பத்தின் புராணக் கதை என்ன? இரு கைகளாலும் இரண்டு யானைகளை சுழற்றியடிக்கும் இருதலை அரக்கன்??

"சோழ நாடு சோறுடைத்து"

2008-10-06T01:55:00.000-07:00

Hi all,
Here are some photo clips captured on the way to Patteeswaram. You will understand that you are in the Heart of the Tamil Land whose main occupation is Agriculture.No doubt that the saying "Chozha naadu sohrudaitthu" is very apt one for our beautiful land!

Come and you can also enjoy the ambiance!

Shriram, Tiruchy

1910 ல் தமிழ்நாடு (05)

2008-09-29T01:28:00.001-07:00

அநாதை ஆசிரமத்திலுள்ள பெரிய பெண்கள்.

Some of the bigger girls - Members of the Orphanage Prayer Union.

TAMIL MISSION ORPHANAGE MADRAS INDIA Postcard Lot of 8
Lepers, Lace Making, Weaving - Liverpool Based Mission
Postcards circa 1910s

1910 ல் தமிழ்நாடு (06)

2008-09-29T01:25:00.001-07:00

பெண்கள் விடுதி

Girls Building - At night they spread matting & sleep on the floor

TAMIL MISSION ORPHANAGE MADRAS INDIA Postcard Lot of 8
Lepers, Lace Making, Weaving - Liverpool Based Mission
Postcards circa 1910s

1910 ல் தமிழ்நாடு (07)

2008-09-29T01:21:00.000-07:00

கைத்தொழில் பயிற்சி

Lace making in the Orphanage Grounds.

TAMIL MISSION ORPHANAGE MADRAS INDIA Postcard Lot of 8
Lepers, Lace Making, Weaving - Liverpool Based Mission
Postcards circa 1910s

1910 ல் தமிழ்நாடு (08)

2008-09-29T01:14:00.000-07:00

அநாதை ஆசிரமச் சிறுவர்கள். சுயதொழில் பயின்று பிழைக்கக்கற்றுக்கொண்ட நிலையில். சுவிசேஷப்பிரங்கங்களுக்கும் தயாரான நிலையில்.

Orphanage Boys, who are begining to earn their own living, also to speak in the Open Air Gospel Services.

TAMIL MISSION ORPHANAGE MADRAS INDIA Postcard Lot of 8
Lepers, Lace Making, Weaving - Liverpool Based Mission
Postcards circa 1910s

ஓல்ட் இஸ் கோல்ட்!

2008-09-03T02:26:00.000-07:00

அந்தகாலத்து பூட்டு...

இது குத்தாலத்தில் உள்ள எங்கள் தாத்தா வீட்டில் எடுத்த படம். இப்பொழுது இந்த வீட்டில் யாரும் இல்லை. எனினும் இந்த வீட்டின் அழகு என்றும் மாறாமல் அப்படியே இருக்கிறது!

இதுதான் "ஓல்ட் இஸ் கோல்ட்" என்பதோ!

ஸ்ரீராம் - திருச்சி

பார்வையில் பட்ட குறள் (215)

2008-06-09T08:46:00.000-07:00

ஊருணி நீர்நிறைந் தற்றே உலகவாம்
பேரறி வாளன் திரு

ஒப்புரவினால் உலகம் வாழுமாறு விரும்பும் பேரறிவாளியின் செல்வம், ஊரார் நீருண்ணும் குளம், நீரால் நிறைந்தாற்போன்றது.

The wealth of men who love the 'fitting way,' the truly wise,
Is as when water fills the lake that village needs supplies.
The wealth of that man of eminent knowledge who desires to exercise the benevolence approved of by the world, is like the full waters of a city-tank.

பார்வையில் பட்ட குறள் (0118)

2008-06-07T20:58:00.000-07:00

சமன்செய்து சீர்தூக்குங் கோல்போல் அமைந்தொருபால்
கோடாமை சான்றோர்க் கணி

Tirukkural 118

To stand, like balance-rod that level hangs and rightly weighs
With calm unbiassed equity of soul, is sages’ praise.
To incline to neither side, but to rest impartial as the even-fixed scale is the ornament of the wise.

சிலை சொல்லும் கதை - திருவிக்கிரமன்

2008-06-06T16:06:00.000-07:00

பாதாமி சிற்பத்தில் வாமனனாக குடை ஏந்தி மிக அழகாக மன்னனிடம் கமண்டலத்தில் இருந்து தாரை வார்க்கும் காட்சி மிக அழகாக உள்ளது...இரண்டாவது பாதாமி சிலையில் வாமனனின் உருவம் சிதைந்து விட்டது...

மேலும் கதை கேட்க....

கோட்டையான் வீடு

2008-06-05T19:41:00.000-07:00

ஒரு ஏக்கரை வளைத்துக் கட்டப்பட்டவீடு அது.'கோட்டையான் வீடு' என்றே இன்றும் அழைக்கப்படுகிறது.கோட்டைபோன்று இருக்கும். இரண்டு காலவாய் போட்டுக் கட்டப்பட்டது.இவ்வீடு கட்டி முடித்து எஞ்சிய பொருட்களைக் கொண்டு சுண்ணாம்புக்குழி என்ற ஊரில் வேறொரு வீடு கட்டப்பட்டதாம்.

மேலுமறிய....

சென்னை மெரினா சாலை - 1913

2007-10-30T06:43:00.000-07:00

சுந்தரச் சென்னை 1913!

திருச்சி லலித குற பல்லவ கிரகம்

2007-09-30T06:24:00.000-07:00

சிவனின் கூந்தலில் கங்கை இறங்குகிறாள். திருச்சி மலை கோட்டையில் உள்ள பல்லவ மகேந்திரனின் புகழ் பெற்ற சிற்பம்.

Trichi Lalitankura Pallava Graham

நன்றி: விஜய்குமார் - மின்தமிழ்

பார்வையில் பட்ட குறள் (1062)

2007-08-30T05:57:00.000-07:00

இரந்தும் உயிர்வாழ்தல் வேண்டின் பரந்து
கெடுக உலகியற்றி யான்.

Thirukkural 1062

If he that shaped the world desires that men should begging go,
Through life’s long course, let him a wanderer be and perish so.
If the Creator of the world has decreed even begging as a means of livelihood, may he too go
abegging and perish.

பார்வையில் பட்ட குறள் (467)

2007-07-31T05:52:00.000-07:00

எண்ணித் துணிக கருமம் துணிந்தபின்
எண்ணுவம் என்பது இழுக்கு.

Thirukkural 467

Think, and then dare the deed! Who cry,
‘Deed dared, we’ll think,’ disgraced shall be.
Consider, and then undertake a matter; after having undertaken it, to say „We will consider,“ is folly.

பார்வையில் பட்ட குறள் (64)

2007-06-30T05:46:00.000-07:00

அமிழ்தினும் ஆற்ற இனிதேதம் மக்கள்
சிறுகை அளாவிய கூழ்.

Thirukkural 64.

Than God’s ambrosia sweeter far the food before men laid,
In which the little hands of children of their own have played.
The rice in which the little hand of their children has dabbled will be far sweeter (to the parent) than ambrosia.

தோற்றத்தின் தோற்றம்

2007-05-30T05:00:00.000-07:00

தமிழ் மரபு அறக்கட்டளையின் பரிணாம வளர்ச்சியாக இத் "தோற்றம்" இன்று தோற்றம் பெற்றுள்ளது. இவ்வலைப்பதிவின் மூலமாக தமிழ் கூறும் நல்லலுகில் காணக்கிடைக்கும் காட்சிகளை வெளியுட உள்ளோம். இதுவொரு ஓவியப்பதிவு. படங்கள், காட்சிகள், ஓவியங்கள் இவை இங்கு இடம் பெறும். தாங்களும் இதில் பங்களிக்க ஆசைப்பட்டால் எங்களைத் தொடர்பு கொள்ளுங்கள்.

பார்வையில் பட்ட குறள் (20)

2006-05-30T05:28:00.000-07:00

கொரிய அறிவியல் தொழில்நுட்ப ஆய்வகத்தில் பணிபுரியும் முனைவர் குணசேகரன் "பார்வையில் பட்ட குறள்“ என்ற இப்படக்குறளை அறிமுகப்படுத்தி வைக்கிறார். ஆர்வமுள்ளவர்கள் இத்தொகுப்பில் பங்கேற்குமாறு அழைக்கிறோம். இத்தொகுப்பில் வரும் ஆங்கில மொழிபெயர்ப்பு ஜி.யூ.போப் அவர்களுடையது.

நன்றி: மதுரைத்திட்டம்

நீர்இன்று அமையாது உலகெனின் யார்யார்க்கும்
வான்இன்று அமையாது ஒழுக்கு.

குறள் 20

When water fails, functions of nature cease, you say;
Thus when rain fails, no men can walk in ‘duty’s ordered way’.
If it be said that the duties of life cannot be discharged by any person without water, so without rain
there cannot be the flowing of water.